Northwestern Press

Monday, December 9, 2019

Chosen Words

Thursday, August 23, 2012 by Die Picknick Zeit in Opinion

Die picknick zeit is widder do,

Un kumme Mensche viel.

Sie froge em "ei wu un wer?"

Im Bungert schee un kiel.

Die Mannsleit sin schee aageduh,

Die Grosse un die Gleene.

Die Weibsleit hen sich aagerischt,

mir gleiche fer sie sehne.

Die weibsleit mache schenschde Sach

Fer alli epper esse.

der Essdisch grext mit schwer gewicht,

Des kann mer net vergesse.

Do waar geblaant, gerischt in gschafft,

Kuche, Boi un alli Sach.

Kaes un Wascht, verdeiwelt Oier,

Wie gute Weibsleit ewe mach.